page suivante »
262 ACTES CONSULAIRES.
au petit pallais et devant le lougis de Monsieur le Gouverneur
qui fust le premier lieu où s'arrestala procession, partant del'es-
glise de Sainct Jehan, pour reposer le CORPUS DOMINI et faire
prières et oraisons. Et là furent faictcs louanges à Dieu en
inusicque vocalle nouvelle de chant et de lettres, dont voycy la
teneur :
L'honneur premier de l'insigne victoire
Venant de Dieu se rend à sa grandeur.
A nostre Roy est la deuxième gloire
Auquel prudence a si bien servy d'heur
Qu'il est des siens plus rebellés vainqueur,
Et prest à vaincre une armée estrangere.
Mais ne se peult qu'une louange entière
Ne donne actainetc au cuer des Lyonnoys.
D'ung duc royal qui croissant sa lumière
A débellé l'enncuiy des Françoys,
Dieu donne au Roy pour redoubler nos voix
L'achèvement selon nostre prière.
Devant le lougis de M. le président Larcher y eust un aulfre
reposoir du CORPUS DOMINI. Auquel lieu , après les prières
ecclésiastiques, ne manqua poinct la musique organique et ins-
trumentalle de haut bois et cornetz à bouquins, avec une allègre
armonie et armonieuse allégresse.
Bref, tout ce jour beau et serain fust employé en sainctes
prières et oraisons à Dieu avec sainctes joyes, pour la tant désirée
victoire qu'il luy a pieu nous octroyer dessus ses ennemys et les
nostres.
En plusieurs places de la dicte ville estoient posez les com-
pagnies de soldats et Suysses qui sont establys pour la garde et
deffence de la ville, et tous les harquebouziers ordinaires d'icelle,
Cculx cy estoient arrangez aux deux boutz du pont de Saosne
en bon ordre et equipaige, ayans tous en teste morrions la plus
part gravez et dorez, bonnes nrquebouzes et fourniment de
Millan, et tous la corde et mesehc ardante en main. Une grande
partie d'eulx occupoit tout le Change et liculx circonvoisins,
arrangez des deux coustez des rues où debvoyt passer ladicte