page suivante »
602 LA REVUE LYONNAISE eaue excepte que en vug karesme douant vng poure malade et moult faible il menga vng peu de potage pour attraire celui malade a Ja viande et le faire mengier adfin que par faulte de noutrissement pour la foiblesce de son corps il ne morust. Et auec ce durant les dis. xr.ans il jeunoit en pain et en eaue trois fois la sepmaine cest assauoir le mecredy le vendredy et le samedy. Ks aultres jors nomangoit il que vne fois tant seulement et vsoit de pain et de potage, excepte les dimenches le jor de Noël, Pasques, Pentheeouste et de tous sains es quelz il mengoit deux fois. Et estoit son pain gros et rustican comme de auaine, orge, ter- coeul (son) ou de aultre mesleure. Son potage estoit de gros chousdaultres herbes de feues ou de rappes le plus souvent affaities au sel sans aultre saueur et aul- eune fois mais peu souvent y mettoit vng (peu) de farine ou de burre. Il ne gousta oncques de vin. xv. ans deuant la mort fors a la messe, après quil auoit pris le corps et le sang de nostre Seigneur ou aulcune fois a la table de leuesque quant il mengoit auecques lui. Et lors auec son eaue mettoit vng peu de vin seulement pour la coulourer. Il jeûna vne fois. vu. jours routiers tous jors estant sain lie et haitie (dispos) sans boire et sans mengier. Le dessus dit saint Yue vesqui cinquante ans ou enuiron tant seulement. Le- quel en sa dernière maladie ne cessoit d'enseingnier ceulx qui enuiron lui estoient en leur preschant de leur salut et lui prévenant eureusement a ses desrains jours pris les sacremens humblement du corps nostre Seigneur et la desraine vnction en son lit. Le benoit Yue, a grant prière et instance de ses amis, prist vng peu de paille dessoubz lui trois jours auant sa mort et son chaperon en lieu de cueure- chief estendu sur son chief vestu de la dicte cotte et couuert de sa houce, refusant aultre chose auoir, en disant quil nestoit pas digne dauoir plus vestu la haire empres la char. Lequel glorieux saint pur et net issant de ce monde lan de graee mil. ccc. et trois le. xix e . jour de may qui fu le dimanche après lascension nre Seigneur Jhesucrist sen ala nettement et glorieusement tout droit au ciel. Et tout ainsi comme se il se feust endormy sans nulle apparicion de quelconque douleur prist le bien eure repos de la mort. Ainsi comme ou recorde ou liure pièce compille de sa vie et de ses vertus on listquea son invocacion par veux et prières a Dieu et a lui par pluseurs deuote- ment faictes furent en diuers lieux, xuit. mors resuscitez en ce comprins deux enfans vifs ou ventre de leurs mères mors auant leur naissance qui depuis receu rentvie et baptesme. Et a linuocaeion de cestui glorieux saint furent, x. forsenez ou demoniacles deliurez de leur forsenerie etdu malin esperit. xm. contrais ou para- litiques furent restablis a santé. Trois auugles enluminez et plusieurs garis de la maille et de diuers inaulx des yeulx. -Pluseurs homes a tout leurs biens en diuers lieux tant en péril de mer comme aultre part furent sauuez et secourus par le benoit saint, vng ydropique fu entieremet saue et gary. Vng aultre aussi aiantla pierre grosse comme vng œuf et les genitoires euflus a la grosseur de la teste dun homme fu restitue asanlo. Vng aultre condempne a estre pendu cheut par trois fois des fourches tout sain et entier fu deliure et laissie aler pour le miracle qui sur lui fu monstre. Plusieurs malades furent garis de diu erses maladies et de diuerses douleurs seulement par atouchier le chaperon qui auoit este audit sait vne fois ainsi comme celui saint celebroit messe et quil levoit le corps nostre Seigneur, vne grande resplendeur sapparut ermiron celui corps de nostre Seigneur qui tantos t aprez le leuacion parfaite et acomplie se desapparut.