page suivante »
238 LA R E V U E LYONNAISE
BLANQUE NARDY
Lon faict assavoir que par permission du roy contenu aux lettres pattentes de
S. M. données à Paris le XX e jour d'octobre adressées a Monseigneur de Mandelot
Gouverneur et Lieutenant général pour ladite Majesté en ceste ville de Lion pris
de Lionnois et Beaujollois et aussi pour sa permission et attache faicte aued.
lettres le douziesme de ce moys, que la blanque ouverte par Robert Nardy mar-
chand demeurant en ceste ville de Lion proposée en soixante et douze bénéfices de
differans valleur consistant en rentes constituées sur l'hostel de la ville de Paris
et revenans tous ensemble à la somme de dix mil livres tournois de rente aux
charges contenues aux placards de la dite ouverture se tirera et sera effectuée et
paraschevée dans le premier jour du mois de juing prochain soit que le nombre
des billets qu'il baillera pour remplir lad. blanque se trouve entier ou non sauf
s'il en reste à délivrer il pourra proportionellement desduire de la valleur ou
du nombre des bénéfices comme il sera a faire par raison, pour seureté des
deniers qui seront mis en laquelle blanque de l'ordonnance du sieur gouverneur
contenue en son attache par laquelle il a chargé led. Nardy nommer ung solvable
marchand de ceste ville négociant et ayant bon crédit sur la place pour recevoir
et garder lesd. deniers jusques a la fin de lad. blanque Claude Mutin nomme
par iceluy Nardy a este receu caution de Jehan Mutin marchand bourgeois en
ceste ville son père qui s'en sont respectivement obliges en bonne forme, partant
qui voudra mettre et entendre au faict de lad. blanque qu'il s'adresse au
d. Claude Mutin fils marchand changeur demeurant en ceste ville au pied du
pont de Saosne du coste de la.place des changes commis a faire lad. recepte, et
ou aucuns de ceulx qui voudront y entendre et entrer auront part au grand
party de Rouen faict avec S. M. ils seront receus à mettre en lad. blanque
en payant assavoir deux tiers argent comptant et le tiers en remettant et trans-
pourtant vallablement autant de tourdud. party bien et duement vérifie aud.
Nardy. Faict à Lion de l'ordonnance dud. seigneur gouverneur le samedy vingt-
deuxièsme novembre mil cinq cent soixante-douze.
i Arch. judiciaires de la cour de la Cour de Lyon, papier du Roi, 1570-3, f° 148.