Revue du Lyonnais » série 6 - n°13-16 ( 1924 ) » pp.331

                                 — 33i —
     Rient n'est plus bel veoir que en leurs habillemens
     De leurs très doulces faces les divers mouvemens,
     Non pas au commun pris, ne aux choses femolles,
     Mais selon la raison du fait et des parolles.            44

     Je n'ay pas le pié veu, jugier je n'en sauroye :
     Je n'escry que de ce pardessus la courroye,
     Encores seullement pour veoir le dehors.
     Qui plus que moy en scet pourra juger du corps.          48

     Mes dames de Paris, pucelles et bourgoises.
     Je ne vous blasme pas, louant les Lyonnoises :
     Toutes vous vueil priser, honnorer et bien dire.
     Mais de ces deux topasses j'ay bien voulu escripre.      52

     Si supplie à ces deux fleurs tant belles
     Qu'elles prengnent en gré ce que j'ay escript d'elles.
     Je ne les loue pas comme leur secrétaire,
     Mais passant mon chemin, comme estrangier notaire.       56



                               BALLADE

                         POUR LA DÉFENSE DE PARIS

            Pour soustenir Vonneur Parisien
            Et le bon bruit de l'isle de Lutesse,
            Portant le nom de l'exellent Troyen
            Qui en beaulté préféra toute Grèce,                4
            Car la les seurs de la belle Lucresse
            Ont toujours prins nourriture et naissance,
            Maintenir veulx pour vérité expresse,
            Paris sans per, invincible sentence.               8

4. Préféra: surpassa.