Revue du Lyonnais » série 6 - n°7 ( 1922 ) » pp.065

                                   — 65 —
communication ensemble depuis six heures du matin jusques à unze heures
qu'ilz seront renfermez et les chambres et cachotz ouverts depuis deux
heures jusques à six à commencer de la Chandelleur et finyr à la Tous-
saints et le surplus de l'année seront mis sur le préau à sept heures jusques à
unze et depuis deux jusques à quatre ausquelles heures seront tenuz se
retirer chacun en leurs chambres ou cachotz sans aucun refuz ou excuse
quelconque. Et pendant le temps qu'ilz seront sur ledict préau ledict
geoslier sera tenu donner l'entrée aux femmes enfans parens amys et solici-
teurs desdicts prisonniers que leur vouldront porter commoditez commu-
nicquer et visiter ce qui ne leur sera loisible lorsqu'ilz seront enfermez et
aura ledict et guichetier l'euil comme dessus à ce que en ladicte consiergerie
ne soyt porté aucunes armes ferremens ou aultres choses dont puisse adve-
nir inconvénient. A ceste fin tous les cousteaulx desquelz se serviront iceulx
prisonniers seront mousses et non poinctus. Et ne laisseront entrer esdictes
prisons aucunes personnes de quelque quallité qu'ilz soient avec espées
dagues ny aultres armes synon les prévotz et lieutenantz de robbe courte.
Ordonne que ledict geoslier garnira les cachotz de bonnes paillasses pour le
coucher desdicts prisonniers qu'il sera tenu rafraîchir chaicune sepmaine et
les chambres et bons litz et matelatz avec draps aux lits de quinzaine en
quinzaine ensemble couvertures tant que besoing sera selon la saison et
tenir lesdicts prisonniers si proprement et nectement qu'ilz n'aient occasion
de s'en plaindre faisant inhibitions et desfenses au geoslier et à ses guiche-
tyers de mal traicter de faict et de parolle les dicts prisonniers ne aulcune
 chose exiger directement ou indirectement pour donner l'entrée à ceulx qui
les visiteront achapt de vivres ou aultrement ains se comporter avec toute
 douceur et modestye et les soulager tant qu'il pourra. Comme pareillement
 la court fait desfenses ausdicts prisonniers oultrager de faict ny de parolles
 ledict geoslier ou guichetiers les ungs les aultres s'injurier quereller tenir
 propos indecens dissolutz et scandaleux. Oultre leur desfend de jurer ny
 blasphémer le nom de Dieu de la Vierge ny des saints ains leur enjoinct se
 comporter avec obéissance à ce présent arrest et respect audict geoslier.
 Aultrement et en cas de contravention ordonne que les contrevenans seront
 par icellui geoslier aiant preuve de deux tesmoings mis en cachotz pour y
 demourer tant qu'il y ayt commandement de les en retirer. A ceste fin sera
    Rev. Lyon.                                                            5