page suivante »
38 UNE ŒUVRE INÉDITE
édictz pour y maintenir pacificaon et accord tant pour
l'impossibilité que aussi ilz seraient assurés d'offanser Dieu
et leur conscience (de laquelle ilz demandent en cella
liberté aussi bien que font les sectaires) supportant et favue-
risant les hérétiques et blasphémateurs.
Et de faict quelle doctrine en ces presches turbulans a
esté aprise, retenue et pratiquée? quelz fruictz sont prou-
veneuz diceux en sept ans qu'ilzont estes tolérés en France ?
Chacun l'avest sentu et trop expérimenté sans en dire
davantage, sinon puis qui plaist à sa Maiesté, on s'en con-
tenta sans y vouloir rien plus aprendre. Ceste doctrine est
tropt pernitieuse, telz docteurs sont trop spéculatifz, leurs
surveillans ont causé de trop grandes inquiétudes, leurs
ministres et prédicans sont tropt fredroians et tempestifz, et
pour éviter prolixité, regardez et considérez en quelques
ville, lieu et place où ceste odieuse nouveauté ayt esté
publiées, si discorde, dissention, ruyne et désolation s'en
sont ensuivies, chose accoustumée et nécessaire et qui
tousjours est advenue et proviendra par fauces et nouvelles
doctrines et où les faux prophètes et séducteurs seront
suportés et aplaudiz.
Voila donc partie des raisons estans bien entendues et
remonstrées que vous pourront couvrir de ceste dangereuse
tempeste.
Quant est du devoir que vous avez à pourchasser, qu'ilz
soient esloignez de vous. Je diray qu'entre toutes les villes
esquelles vous vous pouvez égalés et faire comparaison, je
n'en sache poinct qui soit plus obligée à maintenir l'hon-
neur de Dieu et sa Religion saincte, comme plus aiant
receu de biens et de faveurs de sa divine bonté es troubles
passés n'ayant permis au paravant iceux qu'aucuns sectaires
ayant pu temporiser ny estre comportez en icelle, bien