page suivante »
DE GABRIEL DE SACONAY 33 par légitime succession, depuis les Apostres jusquesà main- tenant et sera jusques à la consommation du monde agitée toutefois et vexée par le prince d'erreur, Sathan, pour esprouver et exerciter les bons et rendre notoires (pour estre excités) les inconstans et pervertis. Cec)' j'en viens succinctement à vous perposer, Messieurs et amys, pour la condition de ce temps turbulent auquel le chef d'hérésie ennemy de la Religion sacrée (par divine permission) a excité des ministres d'erreur pour semer et planter l'hérésie en France et par force d'armes (chose accoustemée à tous sectaires) y a voulu exterminer la vraye religion exitant telz troubles qu'onques n'en furent ouy de plus cruelz et inhumaines de leurs préculseurs les Dona- tistes et Ariens, Gautz et Vandales payens et infidèles, chose si notoire et évidente qui n'y a celuy qui ne l'ayt sentu et cognu par effaict. Or, par la grâce de Dieu, les troubles estant quelque peu apaisés, si comme les sectaires mettant peine d'entretenir l'exercice de leur religion (ou plutost susperstition) et obtenir lieu et place par les villes et bourgades de la France pour leurs ministres et prédicans (seul moyen de maintenir leur secte), et convenir ensem- blement pour pouvoir licitement monopoler faire cueillettes d'argent et amas d'armes, pour renouveller les troubles, mais qu'ilz voient leurs advantage les villes et païs, qui ont par si belle exprience cogneu leur pratique et dessaings, mettent de leur costé toute peine et diligence d'estre exemptes et deliargés de telz presches turbulans s'asseurant par bonne preuve qu'il est difficile (que dis-je ? mais impos- sible) en telle diversité de Religion qu'il n'y ait discord et dissention, qu'on ne soit journellement aux armes en danger de sa vie, pour ouyr à toutes heures blasphèmes exécrables contre Dieu et veoir à l'œil des menées pour K° 1. — janvier 1S9;, 5