page suivante »
. DE LA VILLE DE LYON 325 peult plus vacquer au faict de ladicte charge sy assiduel- lemen quil a cy devant faict et qu'il est nécessaire affin d'observer les statuts concernant la voirie pour le bien et commodité de ladicte ville. A l'occasion de quoy il dési- rerait d'estre soullagé par quelqu'un de la qualité requis qui eut provision du consulat de ladicte charge, a condition de survivance a icelluy de Quibly et toustefois pour, des ce présent, concurremment avecq luy l'exercer et participper a la moitié des gaiges, taxations et esmolluments y apparte- nans. Ayans a ces fins estime que sieur Simond Maupin est personne capable pour bien et deument servir ladicte ville au subject predict : A passé consentement, en tant que besoing seroit, sous notre bon plaisir, par devant Me Josse- rant, notaire royal, en ladicte ville, le quatriesme jour du présent mois, à l'octroy des provisions sur ce nécessaire au proffict dudict sieur Maupin, lequel ledict sieur de Quibly nous a supplie vouloir en ce que agréer. Nous, en considé- ration des longs services rendus a ladicte ville, tant par deffunctz sieurs Zanobis et Claude de Quilly, père et frère du sieur Nery de Quibly, que luy et de ses indispositions et débilité, désirant lui subvenir pour son soulagement et a ce que ladicte ville puisse de tout mieux estre servie audict faict de voirie. Bien informez des bonnes vie, mœurs et religion catholicque et appostolicque Romeyne, sens suffi - zans, prudhommie et expérience et bonne dilligence dudict sieur Maupin. A icelluy, pour ces causes et autres bonnes considérations a ce nous mouvans : Avons octroyé et conféré, octroyons et conférons par ces présentes ladite charge, vacante par ledict consentement dudit Nery de Quibly, pour ladicte charge tenir et exercer par ledict Maupin, soubz l'auctorite du Consulat de ceste dicte ville, aux honneurs, auctorite, pouvoirs, privilleges, libertés et