page suivante »
DE LA VILLE DE LYON II Luxembourg de Gabyano, Humbert de Masso, Jehan Pru- nier, Jehan Paffy dict Bello, Anthoine Bonyn, Claude de Montconis, Anthoine Vincent, Jehan Henry, Cezar Gros., Francoys Rezinan, nouveaulx conseillers esleuz par le scin- dicat. « A este ordonne faire abatre et desmolir la tour de la porte Chenevyer, suyvant ce qua este par plusieurs foys requis par les prochains voysins dicelle porte, actendu quelle est grandement préjudiciable et quelle ne sert plus a ladicte ville suyvant la visitation quy en a este faicte par monsieur, messire Hugues du Puy, lieutenant particullier en la seneschaulsee de Lyon, en présence de monsieur, messire Pierre Bullioud, procureur gênerai en ladicte senes- chaulsee, qui ont este tous dadviz icelle tour et porte abatre et desmolir pour obvier a lemynent péril et ruyne dicelle, comme ont rapporte messieurs Olivier Roland, Pierre Bochet, maistres massons, Estienne Genyn et Loys Pictry, maistres charpentiers de ladicte ville. Et a este donne charge a messire Jehan de la Bessee, procureur gênerai de ladicte ville, de faire ordonner par monseigneur le seneschal de Lyon ou son lieutenant ladicte démolition. « Et suyvant lordonnance dudict seigneur seneschal, lesdicts sieurs conseillers ont baille charge audict Cezar Gros, présent, dicelle tour et porte faire abatre et desmolir a ses despens, périls et fortunes, a la charge touteffois que tout le marrain, tant pierres, boys, que aultres luy demeu- reront et appartiendront pour en faire et disposer a son plaisir et volonté. Et dont il sera tenu faire vuyder la place dedans deux moys après icelle démolition, car ainsi a este convenu et accorde entre lesdicts sieurs conseillers et ledict Gros, lesquelz et chacun deulx, comme luy touche, ont promis et promectent faire et accomplir tout ce que dessus.