page suivante »
HISTOIRE DU LYONNAIS «97
rer à leurs entreprinses. Et au contraire ceulx qui se sont
meslés de telles factions qui sont en bien petit nombre,
et la pluspart estrangiers ont faict sortir tout le bien qui
leur pouvoit appartenir ; de sorte, Madame, qu'il neseroit
chose raisonnable que les innoscents pâtissent pour la
faulte des aultres. Au surplus, Madame, nous avons à faire
entendre une chose qui nous est et aux aultres marchands
de ladicte ville de grande importance, c'est qu'estant dé-
losgés avant hier les troupes des Suisses de Lion se reti-
rant en leur païs, accompaignés de certain nombre de
gens des principaux de la nouvelle relligion avec leurs
femmes et enfants ont emmené avec eulx grand nombre
de mullets et charrettes chargées de marchandises appar-
tenant à plusieurs marchands de ladicte ville bons catho-
liques auxquels ceulx qui commandent et gouvernent
aujourd'huy en la dicte ville, les ont faict prendre par
force lesquelles marchandises ainsi menées sont parties
marquées des armoyries de Berne. Par quoy, Madame,
nous vous supplions très-humblement au nom des pauvres
marchants dont nous sommes du nombre, il vous plaise
faire parvenir ainsi que le cas le requert à ce que leurs
dictes marchandises leurs soient rendues, ensemble aultre
grand nombre de marchandises et aultres bien qui leur ont
été prinses et leurs sont détenues dans ladicte ville par les-
dicts qui gouvernent et commandent en icelle, et que votre
bon plaisir soit en escripre audict sieur de Soubize et
encor à vos ambassadeurs qui sont devers messeigneurs
des Ligues pour en faire instance et poursuyte à ce que
rayson leur soit faicte.
Nous prions le Créateur, etc.
Bourg-en-Bresse, le 15 septembre 1562.
Les à nsiens conseillers eschevins de Lyon :
JACQ. BOBNICABD, — FAVEE, — G m . HENEY,
Fa. GABCIN, — RANSVTE, — F. DE . . . . .