page suivante »
GÉNÉALOGIE DES COMTES DE VINTEMILLE. 269
se sont, les unes rendues libres en forme de républiques,
les autres ont pris des ducs, rois ou comtes pour les gou-
verner. Entre lesquelles celle de Vintemille a esté régie
et gouvernée par comtes, seigneurs, non seulement de la-
dite cité, mais de plusieurs autres terres et chasteaux de
la Ligurie. De vous reciter qui fut le premier comte de
Vintemille, et par quel moyen il parvint à ceste grandeur,
il m'est impossible ; d'autant que ie n'en ay rien veu par
escrit, estant la chose presque oblitérée par antiquité. Si
est-ce qu'il y a près de douze cens ans, du temps de
Constantin, empereur, que Dieu favorisa tant un comte
de Vintemille, qui pour lors vivoit, qu'il voulut la fille
d'iceluy, nommée Guye. ou Gueta, estre colloquée en
mariage à un grand prince du païs de Syrie, pour en
faire naistre et reluire au monde ce grand anachorète
sainct Anthoine. Aucuns tiennent qu'elle fut ravie par
les corsaires sarrazins voltigeans la coste de Gennes,
ainsi qu'elle se pourmenoit sur le rivage de la mer avec
ses damoiselles; autres disent qu'elle fut conduicte en
Syrie par vœu et dévotion du père, et que par inspiration
divine, le mariage fut accordé pour apporter ce miroir de
saincteté au monde. Ce sainct Anthoine, comme les saincts
autbeurs le tesmoignent, estant remply d'un esprit de
pieté, abandonna les biens et richesses paternelles pour
choisir la vie contemplative, et, pour y parvenir, se
retira es déserts d'Egypte, le mesme temps que vivoit le
sainct hermîste Hilarion, o,ù il vescut jusques à l'aage de
cent et cinq ans, et receut tant de dons et grâces de
Dieu, que, de son vivant, il fit infinies preuves de sa
saincteté. Et, après son deceds, plusieurs miracles l'ont
tesmdigné : tellement que son renom est espandu par
tout le monde, non seulement parmy les chrestiens, mais
aussi parmy les infidèles. Depuis il est venu en telle