page suivante »
GÉNÉALOGIE DES COMTES DE VINTEMILLE. 267 moy ce que i'ay tousiours reprouvé en autruy. Cela est proprement un apast de ieunes gens, invention et corrup- telle du monde, lequel avec la chair et le malin esprit corrompt et renverse les sainctes appréhensions de l'ame, et l'empesene de monter à la contemplation des choses célestes. Et d'autant que ces fumées et vanitez nous tou- chent de près, d'autant plus servent-elles à corrompre et , infester nos mœurs et nous desvoyer du sentier de vertu. C'est ce qui m'a faict jusqu'à présent, non-seulement es- pargner à publier, mais quasi ensevelir d'une perpétuelle oubliance le discours et mémorial de mes progeniteurs, estimant que telle curiosité ne pourrait estre utile ny à moy ny aux miens, sinon d'un aiguillon et allumette de vaine gloire. Voylà pourquoy ie vous ay tousiours faict enten- > dre que la vie privée et paisible m'estoit; plus agréable que splendide et turbulante, et que par le moyen d'icelle i'esperois acquérir ceste tranquillité d'esprit, contentement de soy mesme, sérénité de pensée, franchise de soucy, \ liberté de conscience, avec un perpétuel loisir et volonté de ne penser à autre chose qu'à Dieu. En quoy i'estime que gist toute la félicité de l'homme. Et quant au discours de la vie, mœurs, faicts, armes et alliances de ceux dont ie suis descendu, que ie ne voulois ny entendois en laisser à mes enfans ny à ma postérité aucune enseigne, peinture, monument ny tableau, me contentant de leur avoir mons- tre le chemin de vertu, et donné le moyen de cognoistre Dieu et sa loy, sans leur laisser aucune marque de vice et deshonneur. Mais quant à vostre particulier et ce que m'avez requis et prié de vous donner un brief mémoire des noms et qualitez de mes progeniteurs, encores que ie sçache bien que cela ne vous peult de rien servir, toute- fois considérant que pour la prudence, la pieté dont vous estes remply, vous n'en pourrez faire vostre profit, ains