page suivante »
JEAN PALERNE. 49
et montaigne se fendit entre Jesus-Christ et le mauvais larron,
qui estoit à gauche, la fente est encores ouverte plus de sept ou
huict toyses de profond : le tout tenu et officié par les Ethiopiens.
Sur le dictMont à deux pas de là , est le lieu où Jesus-Christ fust
estendu et cloué en la croix, puis dressée et mise au trou qui estoit
préparé. Estans descendus dudict Mont devant la grande porte
est encores le lieu où nostre Seigneur fut oinct et embaulmé par
Joseph d'Arimathie et Nicodenius, disciples occultes de Jesus-
Christ. Ces deux lieux sont servis et officiez par les Francz et La-
tins ; près de là est la chappelle où est enterré Godeffroy de
Bouillon, avec sa femme et Baudouin son frère, qui ne voulut
jamais porter autre corone que d'espines : et plusieurs autres
Roys et Roynes de Jérusalem avec leurs enfants. , . , . .
« Un peu plus haut, tornant vers occident, se voit le lieu où
estoit la vierge Marie regardant crucifier nostre Seigneur, lequel
la recommanda à sainct Jean Evangeliste : et au milieu de l'Eglise,
droit sous le cube, et ouverture d'iceluy, est une petite chappelle
couverte en dos d'asne, divisée en deux, où est le sainct scpul-
chre : et au devant un petit parvis où l'on laisse les souliers pre-
mier qu'entrer, pour la révérence du lieu : à la première cham-
brette est la pierre sur laquelle estoit assiz l'Ange lors que les
Maries y allèrent : et à la seconde le sanctissime sepulchre de
nostre Seigneur, en forme d'un coffre penchant d'un costé : de
onze palmes de long et cinq de large. La dedans y a un nombre
infini de lampes tousjours ardentes : ledict sepulchre ne se peut
maintenant voir, ny toucher, par ce qu'ils l'ont faict revestir de
marbre tout à l'entour, d'autant que les pèlerins le rompoyent
pour en emporter quelque morceau par dévotion. Il n'est pas
portatif, comme beaucoup le pensent, ains taillé dans le mesme
roc, comme l'on faisoit dans ce temps là , et qu'il peut se remar-
quer au tour de Jérusalem où il y en a une infinité d'autres caves
dans les roches. Sortant du dict Sepulchre, et tirant vers la dicte
chappelle de l'Apparition, se voit aussi le lieu où Jesus-Christ
s'apparut en forme d'un jardinier, quand il dict, Noli me tangere :
puis dans ladicte chappelle on voit encores une partie de la co-
4