Revue du Lyonnais » série 1 - n°22 ( 1845 ) » pp.117

                            BC BUGIÃŽY.                        117

  pée la pluspart par brigans et voleurs, pour autant que le
  païs estant montueux et grandement peuplé de bois et gran-
  des forestz, estoit fort commode à telle manière de gens,
 joint qu'il y avoit aussi certaines forteresses, esquelles iiz se
 retiroient, et desquelles ils s'étoient emparez par force, es-
  tant les rois de Bourgongne empêchez à d'autres guerres. El
 entr'aulres, estoit un château nommé Cule, auquel se reti-
 roient grand nombre de pillars, voleurs et brigans qui te-
 noient les passages de telle sorte qu'il n'y avoit homme, de
 quelque qualité ou condition qu'il fût, qui n'y fut détroussé
 et déualisé, et taschant à faire force, estoit meurtri et mis en
 pièces. De tels excès averti le prince Béral, par le seigneur
 de Seyssel, ne fit aucune difficulté d'y passer, encores que le
 seigneur susdit l'en voulut diuerlir pour le danger qu'il sauoit
 y estre. Toutefois, le prince estoit comme sont les ieunes gens,
 bien aise d'avoir occasion et moyen de faire chose digne d'être
 racontée à ses parents en Àllemaigne. Et print résolution de
 chasser toute cesle canaille qui assiégeoit le passage, mettant
son charroy deuant comme une amorce , et pour attirer les
pillars hors du fort de Cule, étant asseuré que incontinent
que les charrois seraient découvers par les gardes de la for-
 teresse, qu'ils se rueroient sus le pillage et butin, ce qui
aduint, car les charriots et bagages du prince approchans de
Cule, voici incontinent arriuer à la course soudars en grosse
troupe, faisant force à ceux qui avoient charge de la conduite
du bagage susdit. Dont le prince ioyeux partit à course de
cheual du lieu ou il étoil embusqué et se rua sus les voleurs
si vigoreusement, avec l'ordonnance de sa gendarmerie, que
soudainement ne pouvant les brigands soutenir l'impé-
tuosité et la charge du prince, se mirent légèrement, en fuile,
tenant le chemin de la forteresse de Cule; mais ils furent
suivis par les Saxons en telle hastivité et diligence, qu'il n&
fut à eux possible de la gagner et y rentrer, qu'elle ne fut